Azərbaycan Respublikası Səhiyyə Nazirliyinin rəsmi saytı

Aşura günü 1863,3 litr qan tədarük olundu

Azərbaycan Respublikası Səhiyyə Nazirliyinin və Qafqaz Müsəlmanları İdarəsinin təşkilatçılığı ilə «Aşura günü" qana ehtiyacı olan xəstələrə yardım məqsədi ilə könüllü qanvermə aksiyaları keçirilmişdir.

Aksiyalar Bakı şəhərinin 9 regionların isə 6 məsciddə keçirilib. Əvvəlki illərdən fərgli olaraq bu il əlavə Quba və Şirvan Qan bankı bölmələribə könüllü aksiyalar təşkil olunub.

"Mir-Mövsüm ağa", "Təzə pir", "Bibi-Heybət", "Cümə", "Qaraçuxur", " Hacı Soltan-Əli" Keşlə qəsəbə məscidləri, Hacı Əjdər məscidi, Nardaran məscidi, Sumqayıt şəhər Cümə məscidi, Mingəçevir şəhər Heydər məscidi, Şəki şəhər məscidi, Gəncə şəhər İmamzadə məscidi, Bərdə şəhər Cümə məscidi, Lənkəran şəhər Böyükbazar məscidi, MQB-nın Şirvan bölməsi, MQB-nın Quba bölməsi. Elmi-Tədqiqat Hematologiya və Transfuziologiya İnstitutunda qanvermə aksiyaları keçirilmişdir.

Saat 9:00-dan 18.00-a kimi aksiyalarda 4141 nəfər könüllü olaraq qan vermişdir ki, nəticədə 1863,3 litr qan tədarük olunmuşdur. Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaqdır.

Aksiyada iştirak edən bütün insanlara dərin təşəkkürümüzü bildiririk!

Könüllü qanvermə aksiyaları Məhərrəmlik ayı boyunca davam edəcək.

Səhiyyə Nazirliyinin Mətbuat Xidmətinin məlumatı