Azərbaycan Respublikası Səhiyyə Nazirliyinin rəsmi saytı

“Tütün məmulatlarının qeyri-qanuni ticarətinin aradan qaldırılması haqqında” seminar keçirilib

10-12 oktyabr 2017-ci il tarixlərdə Tiflisdə “Tütün məmulatlarının qeyri-qanuni ticarətinin aradan qaldırılması haqqında” Protokolun qüvvəyə minməsinə dəstək məsələləri üzrə çoxsektorlu seminar keçirilir.

Respublika Klinik Xəstəxanasında tədbir keçirilmişdir

12.10.2017-ci il tarixində M.Mirqasımov adına Respublika Klinik Xəstəxanasında Ümumdünya Artrit Xəstəliyi ilə Mübarizə Gününə həsr edilmiş tədbir keçirilmişdir. Tədbirdə qeyd edilmişdir ki, Artrit - oynaqda yaranan iltihabi prosesdir. Bu proses nəticəsində oynaq şişir, hərəkətməhdudluğu yaranır. Artritin əlamətləri şişkinlik, formanın dəyişməsi, ağrı, oynaq səthinin qızarması, hərəkət məhdudluğudur.

ATU rektoru prezident təqaüdünə layiq görülən tələbələrlə görüşüb

Prezident İlham Əliyev 2017/2018-ci tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında sərəncam imzalayıb. Sevindirici haldır ki, bu yüksək təqaüdə layiq görülənlər arasında 26 nəfər Azərbaycan Tibb Universitetinin (ATU) tələbəsi adını daşıyır.

ATU mütəxəssisləri V Türkiyə Forumunda iştirak ediblər

Ankarada azərbaycanlı həkimlərin və tibb təhsili alan tələbələrin V Türkiyə Forumu başa çatıb. Azərbaycanın Türkiyədəki səfirliyinin təhsil müşavirliyi və Azərbaycanlı Həkimlər Dərnəyinin birgə təşkilatçılığı ilə keçirilən toplantıda Azərbaycan Tibb Universitetinin nümayəndə heyəti də iştirak edib.

Ümumdünya Psixi Sağlamlıq Gününə həsr edilmiş tədbir keçirildi

10.10.2017-ci il tarixində Səhiyyə Nazirliyinin Psixi Sağlamlıq Mərkəzində Ümumdünya Psixi Sağlamlıq Gününə həsr olunmuş konfrans keçirilmişdir. Tədbirdə psixi sağlamlıq sahəsinin aparıcı mütəxəssisləri, Ədliyyə və Fövqəladə Hallar Nazirliklərinin nümayəndələri, Ümümdünya Səhiyyə Təşkilatının ölkədaxili ofisinin və bir sıra ictimai təşkilatların nümayəndələri iştirak etmişdirlər.

Tədris Terapevtik Klinikasının nəzdində açılan "Geriatriya şöbəsi" 60 yaşından yuxarı olan insanlara xidmət edir

Ölkədə ilk dəfə olaraq Azərbaycan Tibb Universitetinin Tədris Terapevtik Klinikasının nəzdində açılan "Geriatriya şöbəsi" fəaliyyətini uğurla davam etdirir. Yeni şöbə yaşlı insanların müalicəsi ilə məşğul olur. Bura əsasən, 60 yaşından yuxarı olan insanlar müraciət edir.

Səhiyyə naziri Oqtay Şirəliyev Əmr imzalayıb

 

“Şagirdlər arasında dehelmintizasiya proqramının həyata keçirilməsi barədə” Əmri imzalanıb

ATU-nun Virtual Test Mərkəzində 41 baza üzrə rezidentlər üçün dövrü attestasiya imtahanı keçirilib

Azərbaycan Tibb Universitetinin (ATU) Virtual Test Mərkəzində Azərbaycan Respublikasının 41 bazası üzrə (Naxçıvan Muxtar Respublikası istisna olmaqla) rezidentlər üçün dövrü attestasiya imtahanı keçirilib.

ET Pediatriya Institutunun 90 illik yubileyi qeyd edilir

Bu gün Səhiyyə Nazirliyinin K.Y.Fərəcova adına Elmi-Tədqiqat Pediatriya İnstitutunun 90 illiyi ilə əlaqədar iki günlük konfrans öz işinə başlamışdır. Tədbirdə bu gün Səhiyyə Nazirliyinin Tibbi Yardımın Təşkili Şöbəsinin müdiri Gülmirzə Poladov, Azərbaycan Tibb Universitetinin rektoru, professor Gəray Gəraybəyli, K.Y.Fərəcova adına Elmi-Tədqiqat Pediatriya İnstitutunun direktoru, baş pediatr, professor Nəsib Quliyev, millət vəkilləri və səhiyyə ictimaiyyətinin digər nümayəndələri iştirak ediblər.

ATU-da ana südü ilə qidalandırmanın əhəmiyyətindən danışılıb

Oktyabrın 5-də Azərbaycan Tibb Universitetinin Tədris Terapevtik Klinikasında ana südü ilə qidalandırma həftəsinə həsr olunmuş tədbir keçirilib. Tədbirin məqsədi Səhiyyə Nazirliyi və UNİCEF-in təşəbbüsü ilə keçirilən ana südü ilə qidalandırma həftəsi ilə bağlı məlumat vermək, əhali arasında bu mövzuda maarifləndirməni gücləndirməkdən ibarətdir.

"Beynəlxalq həkim günü”nə həsr olunmuş tədbir keçirilib

Hər il oktyabr ayının 3-də dünyanın bir çox ölkələrində Beynəlxalq həkim günü qeyd olunur. Bu gün dünya həkimlərinin həmrəylik və aktiv fəaliyyətlər günü hesab edilir. Ümumdünya Səhiyyə Təşkilatı(ÜST) və “Sərhədsiz həkimlər” beynəlxalq tibbi-humanitar təşkilatı bu bayramın təşəbbüskarları kimi çıxış ediblər. Bu peşə bayramında tibb sahəsində dair müxtəlif seminarlar, sərgi və təqdimatlar keçirilir.

 

Ana südü ilə qidalandırma həftəsinə həsr edilmiş tədbir keçirilib

04.10.2017-ci il tarixində 2 saylı Baza Tibb Kollecində Azərbaycanda ana südü ilə qidalandırma həftəsi ilə əlaqədar tədbir keçirilmişdir. Tədbirdə müəllim heyəti və tələbələr iştirak ediblər. Maraqlı səhnələşdirimiş proqram ilə tələbələr ana südü və onun faydaları haqqında tədbir iştirakçılarına məlumat verdilər.

Analitik Ekspertiza Mərkəzi Memorandum imzalayıb

Səhiyyə Nazirliyi Analitik Ekspertiza Mərkəzi ölkə daxilində eləcə də ölkə xaricində də səlahiyyətli olduğu sahənin inkişafı üçün bir çox dövlətlərlə əlaqələrin qurulmasında, qarşılıqlı təcrübə mübadiləsinin təşkilində mühüm addımlar atır.

Respublika Narkoloji Mərkəzində tədbir keçirilmişdir

03.10.2017-ci tarixində Səhiyyə Nazirliyinin Respublika Narkoloji Mərkəzində Ümumdünya Alkoqolizmlə Mübarizə Gününə həsr edilmiş tədbir keçirilmişdir. Tədbir qeyd edilmişdir ki, alkoqolizm - spirtli içkilərin sui–istifadəsi nəticəsində yaranmış və xroniki intoksikasiya doğuran, spirtli içkilərdən psixi və (və ya) fiziki asılılıqla, habelə digər mənfi tibbi–sosial nəticələrlə ifadə olunan xəstəlik vəziyyətidir.

 

İki körpə nadir xəstəliyə görə əməliyyat olunub

Azərbaycan Tibb Universitetinin (ATU) Tədris Cərrahiyyə Klinikasında nadir cərrahiyyə əməliyyat həyata keçirilib. Pilorostenoz xəstəliyindən əziyyət çəkən iki körpə əməliyyat olunub.

ATU-nun Tədris Cərrahiyyə Klinikasının uşaq cərrahiyyəsi şöbəsinin müdiri, dosent Ramiz Poluxovun sözlərinə görə, son 1 həftə ərzində pilorostenoz xəstəliyi diqanozu ilə klinikaya iki uşaq daxil olub. Uşaqlardan birində xəstəlik həyatının 52-ci günündə, digərində isə 9-10-cu günündə özünü biruzə verib. Nəticədə hər iki uşaqda diaqnostik çətinlik olduğuna görə, klinikaya gecikmiş halda ağır hipotrofiya ilə daxil olub. 

“Yüksək fiziki aktivlik – sağlamlığın qarantıdır!” adlı aksiya keçirilib

 

Bu gün ASAN xidmət, İctimai Səhiyyə və İslahatlar Mərkəzi (İSİM) və ATU-nun birgə layihəsi olan “Yüksək fiziki aktivlik – sağlamlığın qarantıdır!” adlı aksiya keçirilib.

Ginekologiyaya həsr olunmuş beynəlxalq konfrans keçirilib

29-30 sentyabr tarixlərində Azərbaycan Tibb Universitetinin (ATU) Tədris Cərrahiyyə Klinikasında "Qadınlarda çanaq dibi pozulmalarının diaqnostika və müalicəsi: yeni məqamlar" mövzusunda konfrans keçirilib.

Beynəlxalq Qeyri-Zorakılıq Gününə həsr olunmuş tədbir keçirilmişdir

02.10.2017-ci il tarixində Səhiyyə Nazirliyinin İctimai Səhiyyə və İslahatlar Mərkəzində Beynəlxalq Qeyri-Zorakılıq Gününə həsr olunmuş tədbir keçirilmişdir. Tədbirdə qeyd edilmişdir ki, 2007-ci il iyunun 15-də BMT Baş Assambleyasının qəbul etdiyi qərarla hər il oktyabrın 2-si “Beynəlxalq Qeyri-Zorakılıq Günü” kimi qeyd edilir. Qəbul olunmuş qətnaməyə görə, bu beynəlxalq günün məqsədi – sülh, dözümlülük, anlayış və zorakılıqdan imtina mədəniyyətini insanlara aşılamaqdır. 2 oktyabr tarixi təsadüfən seçilməyib, Hindistanın müstəqilliyi uğrunda hərəkatın lideri və qeyri-zorakılıq fəlsəfəsinin banisi Mahatma Qandi məhz bu gün anadan olub.

Ana südü ilə qidalandırma həftəsinin başlanılmasına həsr edilmiş tədbir keçirilib

02.10.2017-ci il tarixində K.Fərəcova adına Elmi-Tədqiqat Pediatriya İnstitutunda Azərbaycanda ana südü ilə qidalandırma həftəsinin başlanması ilə əlaqədar tədbir keçirilmişdir. Tədbirdə institutun direktoru, Səhiyyə Nazirliyinin baş pediatrı, professor Nəsib Quliyev və BMT-nin Uşaq Fondunun (UNICEF) Azərbaycandakı nümayəndəliyinin rəhbərinin müavini Min Yuan iştirak ediblər.

RMDM 23-cü Azərbaycan Beynəlxalq Səhiyyə Sərgisində iştirak edib

2017-ci il sentyabrın 28-30-da “Bakı Ekspo Mərkəzi”ndə Azərbaycan Respublikası Səhiyyə Nazirliyinin dəstəyi və “İteca Caspian” şirkətinin təşkilatçılığı ilə tibb sahəsində regionun ən iri ixtisaslaşdırılmış tədbiri olan 23-cü Azərbaycan Beynəlxalq səhiyyə sərgisi (“BIHE-2017”) keçirilib. Tədbirə 100-dən artıq iştirakçı, o cümlədən Azərbaycan, Almaniya, Belarus, Çin, Hindistan, İtaliya, İran, İsveçrə, Litva, Polşa, Rusiya, Türkiyə, Ukrayna və digər ölkələri təmsil edən şirkətlər qatılıb.

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..