Azərbaycan Respublikası Səhiyyə Nazirliyinin rəsmi saytı

26-27.05.2016-cı il tarixlərində Milli Onkologiya Mərkəzinin mütəxəssisləri 6 saylı Birləşmiş Şəhər Xəstəxanasında əhalinin onlokoloji müayinəsini keçirəcəkdir. Müayinələr ixtisaslaşmış onkoloqlar tərəfindən Səyyar Diaqnostika Kompleksi vasitəsi ilə keçiriləcək.

2016-cı il mayın 23-dən başlayaraq Respublika Müalicəvi Diaqnostika Mərkəzində (RMDM) pulsuz Hepatit B və C müayinələrinin təşkilinə başlanılıb. Qaraciyərin iltihabına gətirən ciddi virus xəstəliyi olan Hepatit müasir dövrdə dünya əhalisi arasında geniş yayılıb. Bu xəstəliyin vaxtında aşkarlanması, diaqnostikası, profilaktik tədbirlərin və müalicəsinin aparılması ümumilikdə xəstəliyin müalicəsində böyük rol oyanır.

Bu gün Səhiyyə Nazirliyinin ET Pediatriya İnstitutunda Azərbaycanda peyvəndləşdirmə sahəsində həyata keçirilən işlərə həsr edilmiş tədbir keçirilmişdir. Tədbirdə qeyd olundu ki, Səhiyyə Nazirliyi tərəfindən yoluxucu xəstəliklərlə mübarizə və profilaktika sahəsində aparılan geniş miqyaslı və səmərəli tədbirlər qonşu ölkələrdə və ümumiyyətlə regionda müşahidə edilən epidemioloji gərginliyə baxmayaraq, ölkəmizdə dayanıqlı epidemioloji sabitliyi təmin etmişdir.

Azərbaycan Respublikası Prezidentinin 13.06.2014-cü il tarixli Sərəncamına əsasən təsdiq edilmiş "Ana və uşaqların sağlamlığının yaxşılaşdırılmasına dair 2014-2020-ci illər üçün Dövlət Proqramı" çərçivəsində Səhiyyə Nazirliyi tərəfindən yenidoğulmuşların sağlamlığının mühafizəsi istiqamətində davamlı tədbirlər görülməkdədir.

Azərbaycan Respublikasının Prezidenti İlham Əliyevin tapşırıq və tövsiyələrinə əsasən dövlət orqanlarının rəhbərləri bölgələrdə vətəndaşların qəbulunu davam etdirir. Qəbul zamanı vətəndaşların müxtəlif məsələlərlə bağlı müraciətlərinin, ərizə və şikayətlərinin müsbət həll istiqamətində tədbirlər görülür.

Bu gün 18 may tarixində Ə.Əliyev adına Azərbaycan Dövlət Həkimləri Təkmilləşdirmə İnstitutunda həkimlərin rezidentura səviyyəsinə hazırlıq mərhələsinə həsr olunmuş tədbir keçirilmişdir. Tədbirdə çıxış edənlər rezidentura mərhələsi haqda məlumatlar verdilər. Qeyd olundu ki, respublikamızda həkim-mütəxəssislərin rezidentura səviyyəsində hazırlığına 2011-ci ildən başlanmışdır.

Azərbaycan Respublikasının səhiyyə naziri Oqtay Şirəliyev 18 may 2016-cı il tarixində saat 12:00-da Astara Rayon Mərkəzi Xəstəxanasında vətəndaşlar üçün qəbul keçirəcək. Nazir Astara, Lerik, Lənkaran, Yardımlı, Masallı rayon sakinlərini qəbul edəcək və səhiyyə sahəsinə dair vətəndaşları maraqlandıran sualları cavablandıracaq.

2016-cı il mayın 17-də Yeni Azərbaycan Partiyası Binəqədi rayon təşkilatında Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi, Səhiyyə Nazirliyinin İctimai Səhiyyə və İslahatlar Mərkəzinin (İSİM) və “Gənclər üçün Təhsil Mərkəzi” İctimai Birliyinin birgə təşkilatçılığı və Bakı şəhəri Rayon İcra Hakimiyyətlərinin, rayon Gənclər və İdman İdarələrinin texniki dəstəyi ilə növbəti sağlamlıq forumu keçirildi.

Səhiyyə Nazirliyinin QİCS- ə Mübarizə Mərkəzində ölkəmizdə İİV, QİCS lə mübarizə yollarına həsr olunmuş “Dəyirmi masa” keçirildi.

Tədbirdə bildirildi ki, İİV-infeksiyası/QİÇS pandemiyası dünya səhiyyəsinin infeksion xəstəliklər sahəsində ən ciddi problemi kimi qalmaqdadır. Azərbaycanda da İİV-infeksiyası/QİÇS problemi aktual problem olaraq daim Səhiyyə Nazirliyinin nəzarətindədir.

12.05.2016-ci il tarixində Respublika Taun Əleyhinə Stansiyada Azərbaycanda hazırkı epidemioloji duruma həsr olunmuş “ Dəyirmi masa” təşkil olunub.

Tədbirdə Səhiyyə Nazirliyinin, Taun əleyhinə stansiyanın, Respublika Gigiyena və Epidemiologiya Mrkəzinin səlahiyyətli şəxslərim iştirak edirdi.

Səhiyyə ictimaiyyətinin nümayəndələri, paytaxt Bakı və Mərkəzi rayon xəstəxanaları Ümummilli lider Heydər Əliyevin anadan olmasının 93-cü ildönümü münasibətilə bir sıra tədbirlər keçirib, ulu öndərin həyat yolundan danışıb, xatirsəsini dərin ehtiramla yad ediblər.

Ulu öndər Heydər Əliyevin anım günü münasibəti ilə Akademik Z.Əliyeva adına Milli Oftalmologiya Mərkəzi hər il rayonlarda, o cümlədən Sumqayıt şəhərində əhalinin tibbi müayinəsini icra edir.

"Ailə Məcəlləsində dəyişikliklərin edilməsi haqqında” Qanunun tətbiqi ilə bağlı bəzi normativ hüquqi aktları təsdiq ilə əlaqədar, 1 iyun 2015-ci il tarixindən etibarən nikaha daxil olmaq istəyən vətəndaşlar mütləq tibbi müayinədən keçirlər.

Səhiyyə Nazirliyinin İctimai Səhiyyə və İslahatlar Mərkəzi (İSİM) mütəmadi olaraq, əhali arasında maarifləndirmə tədbirləri və gənclər üçün sağlamlıq forumları təşkil edir. Bu il də may ayında Bakı şəhərinin 7 rayonunda gənclər üçün sağlamlıq forumlarının keçirilməsi planlaşdırılır. Forumlar Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi və İSİM, Bakı şəhərinin Rayon İcra Hakimiyyətlərinin, rayon Gənclər və İdman İdarələrinin və “Gənclər üçün Təhsil Mərkəzi” İctimai Birliyinin birgə təşkilatçılığı ilə keçiriləcək.

03.05.2016 il tarixində Mirqasımov adına RKX-da Hemofiliya mövzusuna dair “Dəyirmi masa” keçirilib.

Səhiyyə Nazirliyi Respublika Narkoloji Mərkəzi “Narkotiklərə - YOX deyək” şüarı adı altında kütləvi-ictimayi kampaniyalar davam edir.

30 aprel 2016-cı il tarixində “Onkourologiyanın müasir nailiyyətləri” mövzüsunda Azərbaycan Uroloqların II Beynəlxalq Konqresi keçiriləcək. Azerbaycan Respublikası Səhiyyə Nazirliyinin Milli Onkologiya Mərkəzi, Əziz Əliyev adına Azərbaycan Dövlət Həkimlərin Təkmilləşdirmə İnstitutu və Azərbaycan Uroloqlar Assosiasiyası tərəfindən təşkil edilmiş kongres “Holiday İnn” otelində baş tutacaq.

Uşaqların sağlamlığı Azərbaycan Respublikasının Səhiyyə Nazirliyinin əsas prioritet istiqamətlərindən birini və vacibini təşkil edir. Uşaqların sağlam gələcəyini təmin etmək məqsədi ilə müxtəlif layihələr hazırlanır, yüksək səviyyəli aksiyalar təşkil olunur. Belə aksiyalardan biri də bu günlərdə cəbhəyanı bölgəmiz olan Fizuli rayonun Diaqnostika Mərkəzində icra olunur.

Bu gün görkəmli oftalmoloq alim, akademik Zərifə xanım Əliyevanın anadan olmasının 93 illiyi tamam olur.

Azərbaycan Respublikası Prezidenti cənab İlham Əliyev 24 fevral 2016-cı ildə “Gəncə şəhərinin “2016-cı il Avropa gənclər paytaxtı” seçilməsi ilə əlaqədar tədbirlər haqqında“ Sərəncam vermişdir.