Azərbaycan Respublikası Səhiyyə Nazirliyinin rəsmi saytı

Nuru Bayramov: transplant xəstələri şəxsi gigiyena qaydalarına və sosial izolyasiyaya ciddi şəkildə əməl etməlidirlər

COVID-19 xəstəliyinin törədicisi həm birbaşa hava-damcı yolu, həm də əşyalarla və birbaşa təmas yolu ilə yayıldığı üçün yüksək yoluxma qabiliyyətinə malikdir. Ona görə də bir xəstə təxminən 3 nəfəri yoluxdura bilir. Transplantasiya əməliyyatı keçirən xəstələr bir çox infeksiyalara, o cümlədən, COVID-19 xəstəliyinə həssas xəstələr sayılır. Həmin qrup xəstələr risk qrupu hesab olunduğundan yüksək dərəcədə profilaktik tədbirlərin aparılmasına ehtiyac var. Dünyada bu sahədə böyük təcrübə və elmi əsaslanmış tədbirlər planı yoxdur, tövsiyələrin əksəriyyəti ekspert rəylərinə, kiçikhəcmli təcrübələrə əsaslanır. Transplantasiya sahəsində öndə gələn beynəlxalq cəmiyyətlərin apardığı sorğuları, ekspert rəylərini və kiçikhəcmli təcrübələri nəzərə alaraq bir sıra tövsiyələri qeyd etmək olar. Belə ki, transplant xəstələri bölgədə tətbiq edilən ümumi tədbirlərə - şəxsi gigiyena qaydalarına, sosial izolyasiyaya ciddi şəkildə əməl etməlidirlər. Evdə şəxsi gigiyena vasitələrinin hamısı ayrı olmalı, ev vaxtaşırı havalandırılmalı, evdəkilərlə, xüsusən, küçəyə çıxıb gələnlərlə məsafə saxlanılmalıdır.

 

AZƏRTAC xəbər verir ki, bunlar Azərbaycan Tibb Universitetinin I cərrahi xəstəliklər kafedrasının müdiri, Azərbaycan Milli Elmlər Akademiyasının müxbir üzvü, professor Nuru Bayramovun COVID-19 pandemiyası dövründə transplantasiya xəstələrinə yanaşma qaydaları ilə bağlı hazırladığı araşdırma materialında qeyd olunub.

 

Daha ətraflı aşağıdakı linkdə:

 

https://azertag.az/xeber

27/04/2020

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2018..

-->