Azərbaycan Respublikası Səhiyyə Nazirliyinin rəsmi saytı

Gəncədə cərrahlar üçün səyyar distant kurs başa çatıb

Əziz Əliyev adına Azərbaycan Dövlət Həkimləri Təkmilləşdirmə İnstitutunun uşaq cərrahiyyəsi və plastik cərrahiyyə kursları ilə Davamlı Tibbi Təhsil proqramına uyğun olaraq Gəncədəki 3 saylı şəhər xəstəxanasında təşkil edilən ümumi cərrahiyyə üzrə səyyar distant kurs başa çatıb.

 

Kursda Gəncə şəhərinin tibb müəssisələrində çalışanlarla yanaşı ətraf rayonlardan da gələn həkim-cərrahlar iştirak ediblər.

 

Kursun əsas məqsədi döş qəfəsi cərrahiyyəsi, qida borusu və diafraqmanın cərrahi xəstəlikləri haqqında həkimlərin bilik və bacarıqlarını artırmaqdan ibarət olub. Dərsləri institutun uşaq cərrahiyyəsi və plastik cərrahiyyə kursları ilə cərrahiyyə kafedrasının müdiri, professor Nazim Qasımovun rəhbərliyi ilə kafedranın əməkdaşları aparıb.

 

Səhiyyə Nazirliyi Mətbuat Xidmətinin məlumatı

 

 

28/10/2019

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2018..

-->