Azərbaycan Respublikası Səhiyyə Nazirliyinin rəsmi saytı

Səhiyyə Nazirliyində Ümumdünya Səhiyyə Təşkilatı qiymətləndirmə missiyasının nümayəndələri ilə görüş keçirilib (FOTO)

Bu gün Səhiyyə naziri Oqtay Şirəliyev ÜST Avropa Regional Bürosu tərəfindən Azərbaycanda COVİD-19-a qarşı cavab və müzakirə tədbirləri çərçivəsində qiymətləndirici missiyanı qəbul edib.

 

Missiyanın məqsədi ölkədə mövcud vəziyyəti qiymətləndirilməsi və müvafiq tövsiyələrin verilməsidir. Qarşılıqlı anlaşma şəraitində keçən toplantıda Azərbaycanda hazırkı vəziyyət və COVİD-19 infeksiyasına qarşı görülən tədbirlər müzakirə edilib.

 

Missiya paytaxt Bakıdan başqa Şamaxı və Gəncə şəhərlərində də epidemioloji qiymətləndirmə aparılmasını planlaşdırır. Səhiyyə Naziri bu işlərə Respublika Gigiyena və Epidemiologiya Mərkəzinin mütəxəssislərinin də iştirakını qonaqlara tövsiyə edib.

 

Həmçinin görüşdə cari sanitar-epidemioloji vəziyyət, xəstəxana daxili infeksiyalara nəzarət, xəstəliyin artma mexanizmi, xroniki gediş və digər məsələlər müzakirə edilib.

 

Qeyd edək ki, toplantıda Səhiyyə nazirinin müavini Nigar Əliyeva, Respublikanın baş dövlət sanitar həkimi nazir müavini Viktor Qasımov, Beynəlxalq əməkdaşlıq və ictimaiyyətlə əlaqələr şöbəsinin müdiri Samir Abdullayev, Ümumdünya Səhiyyə Təşkilatının ölkə ofisinin rəhbəri Hande Harmancı, missiyanın rəhbəri - David Novillo Ortiz, missiyanın üzvləri Şahin Hüseynov, Elsa Maria Negro Calduch, Anna Borshchevska və başqaları iştirak ediblər.

 

Səhiyyə Nazirliyi Mətbuat Xidmətinin məlumatı

 

 

 

 

22/07/2020

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2018..

-->