Azərbaycan Respublikası Səhiyyə Nazirliyinin rəsmi saytı

Sertifikasiya prosesinin növbəti imtahanlarının nəticələri bəlli oldu

Səhiyyə Nazirliyi tərəfindən praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti imtahanlarının nəticələri aşkarlanıb.

Belə ki, 16.11.2011-ci il tarixində pediatriya, uşaq cərrahiyyəsi və üz-çənə cərrahiyyəsi ixtisasları üzrə keçirilən imtahanlarda ümumilikdə 110 həkim iştirak etmişdir. İştirakçılardan 2 həkim 100 bal toplayaraq ən yüksək nəticəni göstərmişdir. Ümumilikdə imtahanlarda iştirak edən həkimlərdən 105 (96%) nəfər uğurlu nəticələr əldə etmişdir.

Növbəti test imtahanları ümumi cərrahiyyə, terapiya və anesteziologiya-reanimatologiya ixtisasları üzrə 23.11.2011-ci il tarixində keçiriləcək.

 Səhiyyə Nazirliyinin Mətbuat xidmətinin məlumatı