Səhiyyə Nazirliyi tərəfindən rəhbərliyi həyata keçirilən Biznes Mühiti və Beynəlxalq Reytinqlər üzrə Komissiyanın “Səhiyyə sistemi “İşçi qrupunun video-konfrans formatında iclası keçirilib.
Gündəlikdə işçi qrupa üzv olmuş yeni namizədlərin təqdimatı, 2025-ci il üzrə Fəaliyyət Planına daxil ediləcək təkliflərin müzakirəsi, nüfuzlu beynəlxalq təşkilatların səhiyyə sahəsində mühüm əhəmiyyətli indikatorları, doğulanda gözlənilən ömür uzunluğu və sağlam ömür uzunluğu göstəricilərinin hesablanma metodologiyası barədə məlumatlar reqlamentə müvafiq olaraq təqdim edilib.
İşçi qrupuna üzv olan yeni nümayəndələrin təqdim olunduqdan sonra sağlam ömür uzunluğunun hesablanma metodologiyasına dair təqdimat iclas iştirakçılarına təqdim olunub. Həmçinin, nüfuzlu beynəlxalq təşkilatların səhiyyə sahəsində mühüm indikatorları barədə məlumat verilib, Komissiyanın fəaliyyətində hansı indikatora üstünlük veriləcəyinə dair fikir mübadiləsi aparılıb.
İclasda 2024-cü ilin yekunlarına dair mövcud vəziyyət qiymətləndirilmiş, 2025-cü il üzrə Fəaliyyət Planına daxil ediləcək təkliflər dinlənilmişdir. İclasın sonunda işçi qrupun sədri yeni layihəyə dair tövsiyələrini və təkliflərini bildirilib.