Azərbaycan Respublikasında 2011-ci ildən tibb təhsilində rezidentura səviyyəsi tətbiq edildikdən sonra xarici ölkələrdə diplomdan sonra tibb ixtisasları üzrə təhsil almış şəxslərin nəzərinə

2011-ci ildən ölkədə rezidentura təhsili tətbiq edildikdən sonra xarici ölkələrdə diplomdan sonra tibb ixtisasları üzrə təhsil almış şəxslərin çoxsaylı müraciətləri nəzərə alınaraq 29.04.2022-ci il tarixində Azərbaycan Respublikasının səhiyyə naziri tərəfindən “Xarici ölkələrdə hazırlıq alan tibb və əczaçılıq işçilərinin bilik səviyyəsinin və peşə səriştəsinin yoxlanılması və müvafiq maarifləndirmə işlərinin aparılması barədə” əmr imzalanıb. Həmin əmrə əsasən Azərbaycan Respublikası Səhiyyə Nazirliyinin Kollegiyasının 13.06.2022-ci il tarixli qərarı ilə “Xarici ölkələrdə hazırlıq alan tibb və əczaçılıq işçilərinin bilik səviyyəsinin və peşə səriştəsinin yoxlanılması məqsədilə imtahanın keçirilməsi Qaydası” təsdiq olunub.

Səhiyyə Nazirliyinin Kadr Məsələləri üzrə Komissiyasının (bundan sonra – Komissiya) 06.10.2022-ci il tarixli qərarına əsasən Azərbaycan Respublikasında tibb və əczaçılıq fəaliyyətinə buraxılmaları üçün MDB ölkələri və Ukrayna Respublikasında klinik ordinatura təhsili almış şəxslərin (bundan sonra – müvafiq şəxslər) bilik səviyyəsinin və peşə səriştəsinin yoxlanılması məqsədilə imtahanda iştirakı məqsədəmüvafiq hesab edilib.

Bununla yanaşı, internatura proqramlarının müddəti, məzmunu, eləcə də nəzəri təlim və təcrübə hissələrinin rezidentura təhsil proqramlarından kəskin fərqlənməsi ilə əlaqədar internatura hazırlığı keçmiş şəxslərin imtahana buraxılmaması barədə qərar qəbul edilib. Komissiya internatura təhsili almış şəxslərə həmin hazırlıq əsasında əldə etdikləri ixtisaslar üzrə Azərbaycan Respublikasında tibb və əczaçılıq fəaliyyətinə buraxılmaları üçün qanunvericiliyə uyğun olaraq rezidentura səviyyəsində təhsil almalarını tövsiyə edib.

İmtahanda iştirak etmək üçün müvafiq şəxslər Səhiyyə Nazirliyinin rəsmi internet saytının (www.health.gov.az) “Elektron Səhiyyə xidmətləri” bölməsində “Xarici ölkələrdə ali və orta ixtisas təhsili almış, diplomdan sonra ixtisaslaşma keçən tibb və əczaçılıq işçilərinin işə buraxılması üçün müraciətin və sənədlərin qəbulu” xidməti vasitəsilə 11.11 2022-ci il tarixindən 01.12.2022-ci il tarixinədək sənədlərini təqdim etməli və “Namizədin elektron ərizəsi”ni dolduraraq təsdiq etməlidirlər. 01.12.2022-ci il tarixindən sonra imtahanda iştirak üçün ərizələrin qəbulu dayandırılacaqdır.

İxtisaslar üzrə sual topluları Səhiyyə Nazirliyinin rəsmi internet saytında yerləşdirilib. Sual topluları ilə aşağıdakı keçidlərdən tanış ola bilərsiniz.

Anesteziologiya-reanimatologiya

Daxili xəstəliklər

Dermatovenerologiya

Kardiologiya

Qastroenterologiya

Mamalıq-ginekologiya

Nevrologiya

Neyrocərrahiyyə

Oftalmologiya

Onkologiya

Ortodontiya

Otorinolarinqologiya

Pediatriya

Plastik cərrahiyyə

Travmatologiya-ortopediya

Urologiya

Ümumi cərrahiyyə

Ürək damar cərrahiyyəsi

Şua diaqnostikası

Psixiatriya

Neonatologiya

Endokrinologiya

Üz-çənə cərrahiyyəsi

İmtahanın nəticəsi barədə məlumatı imtahan keçirildiyi gündə elektron səhiyyə portalında “Şəxsi kabinet” vasitəsi ilə əldə etmək mümkün olacaq. İmtahanın nəticələrindən narazı qalan iştirakçıların müraciətlərinə onların iştirakı ilə Komissiya tərəfindən baxılacaq.

İmtahanda uğur qazanmış şəxslər göndəriş verilməklə Ə.Əliyev adına Azərbaycan Dövlət Həkimləri Təkmilləşdirmə İnstitutunda 6 aylıq kurslara cəlb ediləcəklər. Kursu bitirən şəxslərə Komissiyanın qərarı əsasında Azərbaycan Respublikasında tibb və əczaçılıq fəaliyyəti ilə məşğul olmağa buraxılma barədə şəhadətnamə təqdim olunacaq və Səhiyyə Nazirliyi tərəfindən müəyyən edilən dövlət tibb müəssisələrinə müqavilə əsasında 1 (bir) il müddətinə iş yerinə göndəriş veriləcək.

Ərizə qəbulu bitdikdən sonra ixtisaslar üzrə imtahan tarixləri barədə əlavə məlumat Səhiyyə Nazirliyinin rəsmi internet saytında veriləcək. Saytı izləmək tövsiyə olunur.

Bir daha bildiririk ki, qeyd olunan tədbirlər müvəqqəti xarakterli olub, qüvvəsi xarici ölkələrdə hazırlıq alan tibb və əczaçılıq işçilərinin rezidenturaya qəbulu ilə bağlı aidiyyəti normativ hüquqi aktlara dəyişikliklər barədə Səhiyyə Nazirliyi tərəfindən hazırlanmış layihə təkliflərinin qüvvəyə minməsinə qədərdir.

İmtahanda iştirak etmək üçün sənədlərin “Elektron Səhiyyə xidmətləri” vasitəsilə təqdim edilməsində texniki dəstəyin göstərilməsi ilə əlaqədar 012 431 38 28, əlavə suallarınızla bağlı 012 441 26 03 (daxili: 307) telefon nömrələri ilə əlaqə saxlamağınız xahiş olunur.

Onlayn müraciət

Müraciət forması

Müraciətinizi yazmazdan əvvəl nəzərdə tutulmuş formanın düzgün doldurulması vacibdir

  • Müraciət aydın yazılmalıdır
  • Müraciət edərkən etik qaydaları gözlənilməlidir
  • Elektron müraciətin mətni 1500 işarədən çox olmamalıdır
  • Məktub göndərmək üçün aşağıdakı formanı doldurun. - (* - vacib sahələr)

Şrift ölçüsü

Rəng sxemi

Şəkillər

Hərflər arası interval

Analitik Ekspertiza Mərkəzi respublikamıza daxil olan dərman vasitələrinin qeydiyyatı, dərman vasitələrinin idxalına icazənin verilməsi, aptek şəbəkəsində dərman vasitələri dövriyyəsinin və təhlükəsizliyinin tənzimlənməsi, özəl tibb və əczaçılıq fəaliyyətləri ilə məşğul olan aptek və digər tibb müəssisələrinin fəaliyyətlərinə nəzarət edilməsi funksiyasını daşıyır. Həmçinin əhali ilə əlaqə yaradaraq dərman vasitələrindən istifadə zamanı rast gəlinən arzuolunmaz təsirlər haqqıında məlumat toplyaraq vətəndaşların səhhətinə zərər yetirə biləcək səbəblərin aradan qaldırılması istiqamətində aktiv fəaliyyət göstərir.

Analitik Ekspertiza Mərkəzi respublikamıza daxil olan dərman vasitələrinin qeydiyyatı, dərman vasitələrinin idxalına icazənin verilməsi, aptek şəbəkəsində dərman vasitələri dövriyyəsinin və təhlükəsizliyinin tənzimlənməsi, özəl tibb və əczaçılıq fəaliyyətləri ilə məşğul olan aptek və digər tibb müəssisələrinin fəaliyyətlərinə nəzarət edilməsi funksiyasını daşıyır. Həmçinin əhali ilə əlaqə yaradaraq dərman vasitələrindən istifadə zamanı rast gəlinən arzuolunmaz təsirlər haqqıında məlumat toplyaraq vətəndaşların səhhətinə zərər yetirə biləcək səbəblərin aradan qaldırılması istiqamətində aktiv fəaliyyət göstərir.