Rəsmi vebsaytları necə tanımalı?
Rəsmi vebsayt linkləri .gov.az ilə bitir.
Dövlət qurumları .gov.az domenləri (məsələn, my.gov.az) vasitəsilə əlaqə qurur.
Güvənilir vebsaytların siyahısı
Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyi ölkəmizdə bu tip yeganə ixtisaslaşdırılmış dövlət idarəsidir. Birliyin əsas vəzifələrindən biri, ədalət mühakiməsinin tələblərinə müvafiq olaraq, öz spesifik vasitə və metodları ilə cinayətlərin tam və tez bir müddətdə açılmasında, məsuliyyətə yalnız günahı olan şəxslərin cəlb edilməsində, pozulmuş hüquqların bərpa olunmasında ixtisaslı məhkəmə-tibbi ekspertiza köməyinin göstərilməsindən ibarətdir. Bununla yanaşı, məhkəmə-tibbi ekspertizalar zamanı müəyyən edilmiş zədələr, zəhərlənmələr, ölümün səbəbləri və həkim səhvlərini araşdırmaqla xəstələnmələrin və ölüm hallarının azaldılmasına, o cümlədən xəstə orqanizmdə baş verən patoloji proseslərin xarakterini və dinamikasını müəyyənləşdirməklə tibbi yardımın yaxşılaşdırılmasına dair profilaktik tədbirlərin təşkilində səhiyyə orqanlarına köməklik edir.