Noyabrın 16-sı saat 15:00-da Biznes Mühiti və Beynəlxalq Reytinqlər üzrə Komissiyanın “Səhiyyə sistemi” işçi qrupunun video-konfrans formatında növbəti iclası keçiriləcək.
Toplantıda Səhiyyə Nazirliyi, TƏBİB, İcbari Sığorta üzrə Dövlət Agentliyi, Əmək və Əhalinin Sosial Müdafiə Nazirliyi, Dövlət Statistika komitəsi, Səhiyyə Nazirliyi İctimai Səhiyyə və İslahatlar Mərkəzinin Biznes Mühiti və Beynəlxalq Reytinqlər üzrə Komissiyasının “Səhiyyə” işçi qrupunun aidiyyatı nümayəndələri iştirak edəcəklər. Həmçinin işçi qrupuna yeni üzv olmuş qurumların - Ailə, Qadın və Uşaq Problemləri üzrə Dövlət Komitəsi (AQUPDK), Azərbaycan Qida Təhlükəsizliyi Agentliyi (AQTA), Azərbaycan Respublikası Elm və Təhsil Nazirliyinin nümayəndələrinin iştirakı gözlənilir.
İclasın gündəliyinə müvafiq olaraq növbəti il üçün Fəaliyyət Planı layihəsinin hazırlanması, eyni zamanda oktyabr ayında keçirilən iclasın yekun protokolunda nəzərdə tutulan məsələlər barədə geniş məlumatlandırılma aparılacaq.
Toplantıda iştirakla bağlı daha ətraflı məlumatı aşağıdakı linkə keçid etməklə əldə edə bilərsiniz: https://azranking.az.