Dekabrın 20-də Biznes Mühiti Və Beynəlxalq Reytinqlər üzrə Komissiyanin “Səhiyyə” işçi qrupunun video-konfrans formatında növbəti iclası keçirilib.

İclasda işçi qrupunun, əvvəlki iclasın Protokolunda qərara alınmış tədbirlərin icra vəziyyəti, eyni zamanda Sağlam qidalanma və sağlam həyat tərzi sahəsində aparılmış islahatlar, Azərbaycanda yol infrastrukturunun yaxşılaşdırılması sahəsində görülən işlər barədə məlumat verilib. Həmçinin reabilitasiya infrastrukturu DALY indeksi və COVID-19-la bağlı statistikaya təsiri, ölkəmizdə bu sahədə aparılmış sorğu və tədqiqatlar və bu göstəricilərin daha da yaxşılaşdırılması istiqamətində müzakirələr aparılıb.

İclasda Səhiyyə Nazirliyi, İcbari Sığorta üzrə Dövlət Agentliyi, Əmək və Əhalinin Sosial Müdafiə Nazirliyi, Dövlət Statistika komitəsi, Azərbaycan Respublikası Dövlət Statistka Komitəsinin Elmi-Tədqiqat və Statistik İnnovasiyalar Mərkəzi, Səhiyyə Nazirliyi İctimai Səhiyyə və İslahatlar Mərkəzinin Biznes Mühiti və Beynəlxalq Reytinqlər üzrə Komissiyasının “Səhiyyə” işçi qrupunun aidiyyatı nümayəndələri ilə yanaşı, Azərbaycan Respublikası Qida Təhlükəsizliyi Agentliyi, Bakı Nəqliyyat Agentliyinin nümayəndələri iştirak ediblər.

Tədbirdə sağlam həyat tərzinin təbliği və bu sahədə aktual problemləri ətrafında fikir mübadiləsi aparılıb, növbəti iclasda müzakirəsi nəzərdə tutulan məsələlər razılaşdırılıb.