Mən imtahana hazırlaşmaq üçün DocTest tətbiqindən istifadə edirəm, lakin buradakı sualların əksəriyyəti köhnədir. Həmçinin suallar üzrə bəzi səhv cavablar düzgün olaraq qəbul edilir, sualım belədir ki, sertifikasiya test sualları yenilənirmi?
Hazırda sertifikasiya sual bazası yenilənməkdədir, bu yenilənmə qanunvericiliyə uyğun olaraq tədricən aparılır və hər il ümumilikdə 20% təşkil edir. Yenilənmə ilə yanaşı sual bazasında öz aktuallığını itirmiş bir sıra suallar çıxarılıb, lakin təəssüflə qeyd edilməlidir ki, hazırda tibb işçiləri əvvəlki illərdə istifadə edilmiş, bir çox hallarda isə hazırkı test bazasında mövcud olmaya suallar və ya bu suallar toplusu üzərində hazırlanmış tətbiqlərdən istifadə edilər. Təbii ki, tibb işçiləri bu tətbiqlərdə istifadə edilmiş və müasir təbabətdə öz aktuallığını itirmiş sualları gördükdə haqlı narazılıq yaranır. Sertifikasiya imtahanlarına hazırlaşmaq məqsədilə Sertifikasiya Şurasının saytında test nümunələri qeyd edilib, bu nümunələr ilk növbədə testlərin hazırlanması zamanı istifadə edilmiş ədəbiyyat göstərilir ki, burada əsas məqsəd tibb işçisinin bu ədəbiyyatı və ya klinik protokolu oxumağa sövq etməkdir.
Həmçinin tibb işçiləri sertifikasiya imtahanlarında onların fikrinə görə səhv tərtib edilmiş suallara rast gələrlərsə rahatlıqla müvafiq təsdiqedici istinad ədəbiyyatı təqdim etməklə apelyasiya müraciət edə bilərlər.