Xarici ölkələrdə ali və orta ixtisas təhsili almış, tibb və əczaçılıq işçilərinin Azərbaycanda praktik tibb fəaliyyətinə buraxılması üçün müraciətlər Səhiyyə Nazirliyinin internet saytında (www.health.gov.az) yerləşən “Elektron xidmətlər” bölməsi üzrə qəbul olunur. Bununla bağlı həmin xidmətdən istifadə edərək elektron müraciət olunmalıdır.
Xarici ölkələrdə orta tibb təhsili alan şəxslər diplomun təsdiqi ilə bağlı Səhiyyə Nazirliyinə müraciət etməlidirlər. Ali tibb təhsili alan şəxslər ilk olaraq Azərbaycan Respublikasının Təhsil Nazirliyində diplomun ekvivalentliyini müəyyənləşdirdikdən sonra Səhiyyə Nazirliyinə müraciət etməlidirlər.
Azərbaycan Respublikasının ərazisində tibb işçisi kimi fəaliyyət göstərməyə Səhiyyə Nazirliyi tərəfindən məhdudiyyət qoyulmaması ilə bağlı vətəndaş ərizə ilə müraciət etməlidir. Ərizəyə müvafiq sənədlərin (şəxsiyyət vəsiqəsinin, tibb təhsili barədə diplomun, ixtisaslaşma sənədinin və əmək kitabçasının (qeyd: işlədiyi halda iş yerindən təsdiq olunmuş surəti)) surətlərini əlavə etməlidir. Müvafiq sorğular göndərilib cavablar alındıqdan sonra arayış ərizəçiyə təqdim edilir.
Tibb kadrlarının vahid registrində təhsil məlumatlarının qeydə alınması üçün vətəndaş ərizə ilə müraciət edərək müvafiq sənədlərin (şəxsiyyət vəsiqəsinin, tibb təhsili barədə diplomun, ixtisaslaşma sənədinin və əmək kitabçasının (qeyd: işlədiyi halda iş yerindən təsdiq olunmuş surəti)) surətlərini ərizəyə əlavə etməlidir.
Analitik Ekspertiza Mərkəzi respublikamıza daxil olan dərman vasitələrinin qeydiyyatı, dərman vasitələrinin idxalına icazənin verilməsi, aptek şəbəkəsində dərman vasitələri dövriyyəsinin və təhlükəsizliyinin tənzimlənməsi, özəl tibb və əczaçılıq fəaliyyətləri ilə məşğul olan aptek və digər tibb müəssisələrinin fəaliyyətlərinə nəzarət edilməsi funksiyasını daşıyır. Həmçinin əhali ilə əlaqə yaradaraq dərman vasitələrindən istifadə zamanı rast gəlinən arzuolunmaz təsirlər haqqıında məlumat toplyaraq vətəndaşların səhhətinə zərər yetirə biləcək səbəblərin aradan qaldırılması istiqamətində aktiv fəaliyyət göstərir.
Analitik Ekspertiza Mərkəzi respublikamıza daxil olan dərman vasitələrinin qeydiyyatı, dərman vasitələrinin idxalına icazənin verilməsi, aptek şəbəkəsində dərman vasitələri dövriyyəsinin və təhlükəsizliyinin tənzimlənməsi, özəl tibb və əczaçılıq fəaliyyətləri ilə məşğul olan aptek və digər tibb müəssisələrinin fəaliyyətlərinə nəzarət edilməsi funksiyasını daşıyır. Həmçinin əhali ilə əlaqə yaradaraq dərman vasitələrindən istifadə zamanı rast gəlinən arzuolunmaz təsirlər haqqıında məlumat toplyaraq vətəndaşların səhhətinə zərər yetirə biləcək səbəblərin aradan qaldırılması istiqamətində aktiv fəaliyyət göstərir.